Ian Veneracion Ibinunyag Ang Dahilan Kung Bakit Panatag Ang Kanyang Asawa Na Hindi Siya Magloloko

Marahil, karamihan sa atin ay kilala ang pinakagwapo at matipunong aktor na si Ian Veneracion. Simula nang kanyang pagkabata ay naging laman na si Ian ng telebisyon, ngunit matapos ang pag usbong nito sa karera, tila tumigil muna sa paglabas sa harap ng kamera si Ian. Pero syempre, ilang taon matapos ang kaniyang pananahimik ay nagkaroon siya ng matagumpay na pagbabalik sa telebisyon. Matapos ang kaniyang pagbabalik ay naging kaliwa’t kanan ang kanyang mga proyekto.




Dahil dito, iba’t-ibang mga babae na rin ang kanyang mga nakapareha sa mga programa at pelikula. Karamihan sa kanyang mga nakakapareha ay mga kilalang mga artista at personalidad sa industriya. Pero kahit na ganito lagi ang eksena, ibinahagi ni Ian na minsan ay hindi niya naisip lokohin ang kanyang asawa. Maliban pa rito, hindi naman raw selosa ang kanyang asawa. Si Ian at ang kanyang asawa na si Pam Gallardo ay 23 taon nang kasal.

“Hindi siya selosa ever since. At kung nagseselos man, hindi niya ipakita sa akin. She’s too proud para ipakita sa akin and I love her for that.”  Bagamat marami raw talaga ang tukso sa showbiz, sanay na sanay na raw siya sa presensiya ng kababaihan. “So far, okay pa naman ako. Pero of course, I’ve been working on it. E, tao rin naman tayo. So far, okay pa naman…okay pa, still in a good place.”

Maliban pa rito, si Pam raw ang pinapahawak niya ng kaniyang pera. May construction business sina Ian at Pam, at si Pam ang nagmamanage nito kung kaya’t mas mainam raw na sa kanya pinahawak ang mga pera para daw mapaikot ito. “Wala akong budget ng kabit. Saka sa akin, gusto ko she manages my finances. Kasi kung hindi ko iyan paikutin, wala, parang baldeng butas yun. Hindi ako businessman, it’s her business. I’m happy. She’s really good at it.”

Wala daw siyang pagsisi ng pakasalan niya si Pam, sa katunayan, itinuturing niya nga raw na pinaka tamang desisyon ginawa niya sa buhay ang pagpapakasal kay Pam. Bagama’t 22 taong gulang pa lamang siya noon, masayang masaya naman raw siya, ayon sa kanyang panayam. “I’m 42 now. She’s literally like a part of me. So mas kilala ko ang sarili ko na nandoon siya as part of my life, kaysa sa wala siya,” sabi pa ni Ian.
Sana makahanap tayo ng katulad ni Ian!




Leave a Reply

Your email address will not be published. Required fields are marked *