Kilalanin Ang Napaka Gandang Anak Ng Beteranong Aktor Na Si Lito Lapid

Karamihan sa ating mga Pilipino ay madalas manood ng telebisyon. Ito na ang nagsilbing libangan natin noon hanggang ngayon at naging paraan na rin ng pagsasama-sama ng ating pamilya. Bagama’t nauso na ang social media at mga makabagong gadgets, hindi pa rin talaga nawawala ang telebisyon sa ating buhay. Dito natin natutunan ang mga programa’t pelikula. Ito rin ang naging daan upang magkaroon tayo ng mga idolong artista natin. Dahil sa ating labis na pag idolo sa mga artista, inaabangan natin ang lahat tungkol sa kanilang buhay. Isa sa mga pinakaabangan natin ay ang kanilang mga anak na maaaring sumunod sa kanilang yapak.

Photo Credit: @ysabel_ortega/Instagram




Alam niyo bang may anak si Lito Lapid na kapwa rin artista katulad niya? Kilala noon si Lito Lapid bilang isa sa mga pinaka magagaling na action star ng kanyang henerasyon. Marami na rin siyang nagawang pelikula na talaga namang minahal ng masa. Ito rin ang isa sa mga dahilan kung bakit nakaupo siya bilang isa sa mga senador ng Kongreso ng Pilipinas. Pero lingid sa kaalaman ng lahat, may tinatago pala siyang kayamanan sa kaniyang baul.

 

Ito ay ang kanyang anak na si Maria Ysabel Lapid Ortega o mas kilala bilang si Ysabel Ortega. Anak siya ni Lito Lapid sa dating mang aawit na si Michelle Ortega. Ipinanganak noong taong 1995, isa na siya ngayon ganap na dalaga at pausbong na artista. Bagama’t may kapwa artistang mga magulang, hindi raw naging madali ang kaniyang pagpasok sa showbiz noong 16 taong gulang pa lamang siya. Kailangan niya ring dumaan sa iba’t-ibang hamon katulad ng ibang mga artista.

Photo Credit: @ysabel_ortega/Instagram

Sa katunayan, inamin ni Ysabel na hindi raw naging madali nang gawin niya ang kanyang unang proyekto lalo pa’t kinailangan niyang malasing sa kaniyang karakter. Naging mahirap ito para sa kanya dahil hindi pa naman raw siya nalalasing sa tanang buhay niya. Mabuti na lamang at tinulungan siya ng mga production team para mairaos niya ang eksena. Ilan sa mga programang naging bahagi na si Ysabel ay “On the Wings of Love, Born For You, Pusong Ligaw, at Araw Gabi.

Photo Credit: @ysabel_ortega/Instagram

Ayon kay Ysabel, isa raw sa kanyang mga tinitingalang tao sa industriya ay ang kaniyang tatay kung kaya’t nagustuhan niya ring pumasok sa showbiz. Pinagmamalaki niya rin ang kaniyang tatay sa isang panayam niya sa Tonight With Boy Abunda.
Hindi naman na nakapagtataka kung isang araw ay maging isang sikat na artista ito si Ysabel dahil bagamat anak ng artista, gumagawa talaga siya ng kanyang sariling pangalan sa industriya.

Photo Credit: @ysabel_ortega/Instagram




Leave a Reply

Your email address will not be published. Required fields are marked *