Si Romy Pastrana o mas kilala bilang si Dagul na host ng Goin Bulilit at isa ring komedyante ay mayroong apat na anak, isang babae at tatlong lalaki. Ang kanyang naging asawa ay isang non-showbiz personality.
Batid natin na si Dagul ay may kundisyon na kung tawagin ay “dwarfism”, sila yung mga taong ipinanganak na ang tanging taas lamang ay umaabot ng 4ft kahit na sila ay matanda na, at ito nga ay namamana,, base sa ulat ng website ng MayoClinic. At sa apat na mga anak ni Dagul, ay mayroong isa na nagmana sa kanya ng kundisyon niya.
Ang tatlong anak na lalaki ni Dagul ay normal ang taas, ngunit ang nag-iisa niyang anak na babae na si Jkhriez Pastrana na 17-taong na ngayon, ay naman ang kanyang kundisyong dwarfism.
Dahil sa namana niyang kundisyon sa ama ay hindi naiwasan ni Jkhriez na makaranas ng matinding pambu-bully noong siya ay nasa grade school, at ang ilan nga sa ito ay talagang below the belt na.
“Pag nakita daw nila or nakaaway nila ako hindi daw ako makakalaban kasi isang sipa lang naman daw nila sa akin, tutumba na ako. Si naisip ko, hindi ba nila nage-gets yung sitwasyon ko”, ani Jkhriez.
Para naman sa dalagang anak ni Dagul, ay wala siyang kailangang ikahiya sa kanyang kundsiyon, bagkus ay proud siya sa kanyang sarili, dahil nagagawa rin niya ang mga bagay na kayang gawin ng isang tao na may normal na kundisyon.
Dahil sa nag-iisang babae siya sa kanilang magkakapatid ay ginagawa siyang prinsesa ng mga ito, ngunit hindi naman umano iba ang naging trato sa kanya ng kanyang pamilya.
Samantala, isa umano sa mga hilig ni Jkhriez ay ang pagkanta, at may talento siya pagdating sa pag-awit.
Noon nga umanong 1-taong gulang pa lamang siya ay nadiskubre na ng kanyang ina na may talento siya sa pagkanta, at magmula nga noon ay isinasali na siya nito sa mga singing contest. Paminsan-minsan pa nga ay naiimbitahan rin si Jkhriez sa mga events at fiesta sa barangay, dahil sa husay niya kumanta.
Hindi nga lamang ang husay niya sa pagkanta ang maipagmamalaki ni Jkhriez, dahil achiever din siya sa kanilang paaralan. Noon ngang grade 6 siya ay nakuha niya ang pang 6th honor sa kanilang klase. Ayon kay Jkhriez ay isang inspirasyon sa kanya ang ama niya, kaya naman ng magkaroon ng Star Hunt audition ang ABS-CBN ay nag-audition siya at nakasapasa siya.
