Mula Noon Hanggang Ngayon Sweet Pa Rin Ang Mag-Asawang Manilyn Reynes At Aljon Jimenez

Ano nga ba ang pagmamahal? Ayon sa iba, wala itong kahulugan. Para sa iba naman, may kanya-kanya tayong kahulugan ng pagmamahal. Sa panahon ngayon, napakahirap makahanap ng totoong pagmamahal. Para kang sumusuong sa isang malawak na karagatan na mayroong mga halimaw na maaaring lumapa sa iyo kapag ikaw ay papasok sa isang relasyon. Hindi mo alam kung ano ang mangyayari sa iyo. Isa kang ligaw na taong palutang-lutang sa gitna ng malawak na karagatan na naghihintay ng isang tunay na pagmamahal.

Photo Credit: Google




Kaya naman, isang malaking biyaya kung may isang bangkang handang sumagip sa’yo para dalhin ka isang isla kung saan doon kayo pagmamahal hanggang sa kamatayan.
Mahirap, at bihira. Iyan ang mga pang-uring maaaring mag larawan sa paghahanap ng tunay na pagmamahal. Ang makahanap ng taong nagbibigay sa’yo nito ay isang malaking kaginhawaan. Ngunit ang makahanap ng taong araw-araw at walang sawang ipaparamdam sa iyo ito ay isang hulog ng langit.

Photo Credit: Google

Ito nga marahil ang matagal nang nahanap ng aktres na si Manilyn Reynes: tunay na pagmamahal. Kung aking tatandaan, kasamang sumikat ni Manilyn Reynes noon ang kaniyang on-screen at real-life partner na si Aljon Jimenez. Ramdam na ramdam ng mga kabataan noon ang kilig sa isa’t-isa sa tuwing lumalabas sila sa mga pelikula. Ano pa’t sa huli ay sa simbahan rin pala ang tuloy ng dalawa. Pero, kamusta na kaya ang dalawa ngayon? Nag-aalab pa rin ba ang pagmamahalang sinumpaan nila nang sila ay ikasal?

Photo Credit: Google

Sa isang post ni Manilyn sa kanyang social media account, ibinahagi nito ang litratong kuha pa noong taong 1991 sa San Francisco sa Amerika. Dito, ibinahagi ni Manilyn na sa kabila ng halos 3 dekada nilang pagsasama bilang mag-asawa, hindi pa rin nawawala ang init at alab ng kanilang pagmamahal. Sa katunayan, ibinunyag ni Manilyn na sa tuwing natutulog sila ng kanyang asawa ay magkahawak pa rin ang kanilang mga kamay. Kung ating iisipin, bihira lamang ang ganitong uri ng relasyon. Bagama’t may mga pagsubok, dapat nating isipin palagi ang dahilan kung bakit natin pinili ang taong tao para makasama natin hanggang sa kamatayan. Sana all!

Photo Credit: Google
Photo Credit: Google




Leave a Reply

Your email address will not be published. Required fields are marked *