Silipin Ang Napakagandang Beach Resort Sa Zambales Na Binili Ni Angel Locsin Para Sa Kanyang Ama

Isa sa mga ugali nating mga Pilipino ay kapag natapos na tayo sa ating pag-aaral, panahon na para tayo na naman ang bumuhay sa ating mga magulang na alam naman nating lahat na tumatanda na. Ang kulturang ito ay isa sa mga ugaling dito lamang makikita sa atin sa Pilipinas. Ito ay para suklian ang kanilang mga naitulong sa atin mula nang tayo ay isilang hanggang tayo ay makapagtapos ng pag-aaral.


Image courtesy from google




Katulad na lamang ng isa sa mga pinaka prominenteng actres ng kanyang henerasyon na si Angel Locsin. Kapag sinabi nating Darna, siya ang unang lumalabas sa ating mga isipan. Maliban sa kaniyang angking galing sa pag-arte, kilala rin si Angel bilang isang tunay na anghel dahil sa kaniyang angking kabaitan hindi lang bilang isang actress kundi bilang isang tao.


Image courtesy via therealangellocsin/instagram


Image courtesy via therealangellocsin/instagram

Nitong nakaraan lamang, gumawa ng ingay si Angel dahil na naman sa kaniyang kabaitan. Matapos maging matagumpay ang kaniyang pagbabalik sa telebisyon bilang bida sa The General’s Daughter, taos puso siyang nagpahayag ng kanyang pasasalamat sa kanyang mga taga-suporta. Naging biyaya raw kasi sila para matupad ang pangarap ng kanyang tatay. Dahil raw sa kanila, nakapag ipon siya ng pera para mabili ang pangarap na ari-arian ng kanyang tatay.


Image courtesy via therealangellocsin/instagram


Image courtesy via therealangellocsin/instagram

Ibinahagi niya sa kanyang social media account ang mga litrato kung saan makikita ang aktres sa Talisayin Cove sa Zambales. Nakalagay rin sa kaniyang caption na unti-unti niya nang natutupad ang pangarap nilang dalawa ng kanyang ama. Marami sa kanyang mga taga-suporta ng natuwa dahil sa angking kabaitan nito at pagmamahal sa kanyang ama.

May mga nagtanong naman kung buong isla ba ang kaniyang binili, ngunit ayon sa isa sa kanyang mga taga-suporta, bahagi lamang daw ng isla ang kaniyang binili sa Pundaquit. Sa kasalukuyan ay masaya si Angel kasama ang kanyang boyfriend na si Neil Arce at sabik na nga raw ito na puntahan ang lugar.

Nakakatuwa talaga si Angel, parehas na maganda ang panlabas at panloob na anyo. Nawa’y maging inspirasyon para sa lahat ng mga kabataan na mayroong magulang na huwag kalimutan suklian ang kanilang mga magulang. Maliit man o malaki, tiyak, matutuwa ang inyong mga magulang.




Leave a Reply

Your email address will not be published. Required fields are marked *